
马尔巴大师教言集MARPA36རླུང་གི་ཞལ་གདམས།
2-1-128a
༄༅། །རླུང་གི་ཞལ་གདམས།
༄༅། །རླུང་གིས་(གི་)ཞལ་གདམས་བཞུགས་སོ། །ན་མོ་གུ་རུ་དེ་ཝ་ཌ་ཀི་ནི། པཉྩ་པྲ་མ་ནས། སེམས་ཅན་རྣམས་ཀྱི་སྲོག་གྱུར་པ། །རླུང་ཞེས་བྱ་བས་ལས་ཀུན་བྱེད། །འདི་ནི་རྣམ་ཤེས་ཞོན་པ་སྟེ། །ལྔ་ཡིས་བདག་ཉིད་བཅུ་ཡང་ཡིན། །ཞེས་པའི་དོན་ཉིད་རླུང་ཐབས་ལོག་ནོན་ནི། །རྣམ་པ་གཉིས་སུ་ཤེས་པར་བྱ། །རྩ་བའི་རླུང་དང་ཡན་ལག་རླུང་། །ལྔ་ལྔ་བཅུ་རུ་ཤེས་པར་བྱ། །རྩ་བའི་རླུང་ལ་རྣམ་པ་ལྔ། །གནས་དང་ལས་དང་སྒོམ་ཐབས་དང་། །ཟིན་རྟགས་ལོག་ནོན་རྣམ་པ་ལྔ། །གནས་ནི་ཐུར་སེལ་སྒྲོལ་ལ་གནས། །ལས་ནི་གཤང་གཅི་ཐུར་ལ་འཕེན། །སྒོམ་ཐབས་ཨ་ལོང་འབྱེད་འཛུམ་བྱ། །བདེ་བ་འདོད་ན་དེ་ལྟར་བསྒོམ། །ཟིན་རྟགས་ལོག་ནོན་མ་ལོག་ཟིན། །ལོག་པར་ཟིན་ན་ན་ཚ་འོང་། །མ་ལོག་ཟིན་ན་ཡོན་ཏན་སྐྱེ། །ལོག་ན་ན་ཚ་འབྱུང་ལུགས་ནི། །རྐང་པ་འཁྲིལ་
2-1-128b
ཅིང་སྨད་སྒོ་ན། །དྲི་ཆེན་དྲི་ཆུ་སྡོམ་པར་བྱེད། །ལོག་ནོན་འདི་ལྟར་ཤེས་པར་བྱ། །ཨུ་རྒྱན་སྒོ་ལ་བྱུག་པ་བྱ། །མགོ་མཇུག་བཟློག་ལ་རོ་སྨད་སྤྲུག །རྐང་མཐིལ་གཉིས་སུ་ཁུ་ཚུར་བརྡུང་། །གཞུག་གུ་ཆུང་ནས་སྟོང་རུས་བར། །ཁུ་ཚུར་རིམ་གྱིས་གདུང་བར་བྱ། །རྐང་པ་བརྐྱང་བསྐུམ་སྣ་ཚོགས་བྱ། །དམིགས་པ་ཨུ་རྒྱན་སྒོ་ན་མར། །རླུང་ནི་ཧར་ཧར་འགྲོ་བར་བསམ། །དང་པོ་དམིགས་པ་བྷྲ་མར་གཏད། །རེས་འགའ་ལྕགས་འཕྱོང་ཐེངས་འགའ་བྱ། །དེས་ནི་མི་སོས་མི་སྲིད་དོ། །གནས་ནི་མི་མཉམ་ལྟེ་བར་གནས། །ལས་ནི་ཕོ་བའི་མེ་དྲོད་སྐྱེད། །ཟས་སྐོམ་གཉིས་པོ་འཇུ་བར་བྱེད། །བསྒོམ་ཐབས་རྒྱ་མཚོ་བྲག་ལ་གཏད། །སྐེད་པ་གཡས་གཡོན་སྐབས་སུ་གཅུ། །དྲོད་ཆེན་འདོད་ན་དེ་ལྟར་སྒོམ། །ཟིན་རྟགས་ལོག་ཟིན་མ་ལོག་ཟིན། །ལོག་པར་ཟིན་ན་ན་ཚ་འོང་། །མ་ལོག་ཟིན་ན་ཡོན་ཏན་སྐྱེད། །ལོག་ན་ན་ཚ་འབྱུང་ལུགས་ནི། །སྐེད་པ་གཟེར་ཞིང་མཁལ་མ་ན། །ཕོ་བ་སྦོས་ཤིང་བཤལ་བ་དང་། །ཟས་མི་ཚུད་ཅིང་ཤེས་པ་བྱིང་། །ཟས་སྐོམ་འཇུ་བར་དཀའ་བའོ། །ལོག་ནོན་འདི་ལྟར་ཤེས་པར་བྱ། །སྣུམ་དུག་ཆང་གིས་ཁ་སྤུ་བཏབ། །སྐེད་པ་བསྐོར་ཞིང་སྐྱེ་བ་བཅུད། །དམིགས་པ་སྙིང་ཁར་གཏད་པར་བྱ། །རྒྱ་མཚོ་བྲག་ལ་གཏད་བྱས་ལ། །ཁུ་ཚུར་སུས་(གསུས་)པ་མཉེ་བར་བྱ། །དེ་ཡིས་མི་སོས་མི་
2-1-129a
སྲིད་དོ། །སྲོག་འཛིན་རླུང་ནི་སྙིང་ཁར་གནས། །ལས་ནི་ལུས་ཀྱི་སྲོག་ཀྱང་འཛིན། །དབུགས་ཀྱིས་འགྲོ་འོང་བྱེད་པ་ཡིན། སྒོམ་ཐབས་རང་ཐང་ཤེས་པ་ཀློད་(གློད། །)རྟག་ཏུ་མར་ལ་བསྟིམ་ཚུལ་བྱ། །བདེ་བས་ལུས་ལ་ཁྱབ་འདོད་ན། །དེ་ལྟར་ཡང་ཡང་བསྒོམ་པར་བྱ། ཟིན་རྟགས་ལོག་ཟིན་མ་ལོག་ཟིན། །ལོག་པ་ཟིན་ན་ན་ཚ་འོང་། །མ་ལོག་ཟིན་ན་ཡོན་ཏན་སྐྱེ། །ལོག་ན་ན་ཚ་འབྱུང་ལུགས་ནི། །སྙིང་ནི་འཆུ་ཞིང་སྤྲུགས་པ་དང་། །དྲན་པ་མི་གསལ་སྙིང་རླུང་འཕྱོ། །ཤེས་རྒོད་སྨྱོ་བ་ལ་སོགས་འབྱུང་། །ལོག་ནོན་དང་པོ་སྐུ་མཉེ་བྱ། །རླུང་སྡོམ་སྤྲུགས་ཤིང་རོ་སྟོད་གཅུ། །སྟོང་དུས་ཧ་ཡིས་གདབ་པར་བྱ། །དམིགས་པ་རྡོ་རྗེ་ནོར་བུར་གཏད། །ཆུ་སྣང་ནང་དུ་འཕྱོངས་པ་དང་། ཕུང་པོ་ཆུ་རུ་གཞུགས་པ་དང་། །ཆུ་ཡིས་སྣ་ལ་གཏད་པར་བྱ། །དངངས་སྐྲག་ཅི་སྐྱེའི་ཐབས་ཡང་བྱ། །དེ་ཡིས་སོས་པར་འགྱུར་བ་ཡིན། །གལ་ཏེ་དེ་ཡིས་མ་སོས་ན། །སྙིང་གི་ནང་དུ་ཧཱུཾ་བསམ་ལ། །ཧཱུཾ་རིང་མང་དུ་བརྗོད་པར་བྱ། །དེ་ཡིས་ཕྱི་རུ་འཐོན་པར་འགྱུར། །སྦྲ་མར་མེ་བཙའ་གདབ་པར་བྱ། །རྐང་པའི་མཐིལ་ཆེ་ན་སྙིང་རྩ་བསྲེག །སྨན་མར་ཞུན་ཆེན་ལ་སོགས་བཏང་། །སྙིང་དཀྱིལ་ནང་དུ་བླ་མ་བསམ། དེ་ཡིས་མི་སོས་མི་སྲིད་དོ། །གྱེན་རྒྱུའི་རླུང་ནི་མགྲིན་པར་གནས། །ལས་ནི་མཆིལ་སྣབ་གྱེན་དུ་འདོར། །སྒོམ་ཐབས་སྣ་ཡི་དབང་པོ་སྡོམ། །
2-1-129b
རླུང་སེམས་དཔྲལ་བ་ཉིད་དུ་གཏད། །སྟོང་ཉིད་འདོད་ན་དེ་ལྟར་སྒོམ། །ཟིན་རྟགས་ལོག་ཟིན་མ་ལོག་ཟིན། །ལོག་པར་ཟིན་ན་ན་ཚ་འབྱུང་། །མ་ལོག་ཟིན་ན་ཡོན་ཏན་སྐྱེ། །ལོག་ན་ན་ཚ་འབྱུང་ལུགས་ནི། །ལྐུགས་པར་འགྱུར་ཞིང་མགྲིན་པ་ན། །ལྐོག་འབྲས་ལ་སོགས་འབྱུང་བ་ཡོད། །དབུགས་ཀྱི་འབྱུང་རྔུབ་ཤིན་ཏུ་དཀའ། །སྲོག་གི་བར་ཆད་འབྱུང་བ་ཡོད། །ལོག་ནོན་འདི་ལྟར་ཤེས་པར་བྱ། །དམིགས་པ་ལྟེ་བར་གཏད་པར་བྱ། །སྐུ་ལུས་གནད་ཆ་ནས་སྒྲིམ་པར་བྱ། །ཆུ་མིག་བསྐྲད་ཅིང་ལུས་པོ་འདར། །དྲུང་ན་ཡོད་པའི་གྲོགས་པོ་ཡིས། །རྐང་པ་ས་ལ་མ་རེག་པར། །འབྲ་མ་དབུས་གཉིས་ཐལ་མོ་གདབ། །རོ་སྟོད་སང་སང་བླངས་ལ་སྤྲུགས། །སྐུ་མཉེ་བྱས་ལ་སྒལ་ཚིགས་བརྡུང་། །ལྕགས་མཆོང་ཡང་ཡང་བྱ་བར་གསུངས། །མགོ་མཇིང་བསྐོར་ཞིང་མགོ་བོ་སྤྲུགས། །རོ་སྟོད་གཡས་གཡོན་གཅུ་ཞིང་སྤྲུགས། །མགོ་བོ་གཡས་གཡོན་འཐེན་རེས་བྱ། །དེ་ཡིས་མི་སོས་མི་སྲིད་དོ། །ཁྱབ་བྱེད་རླུང་ནི་ཚིག་ན་གནས། །ལས་ནི་འགྲོ་འདུག་འཁྲུལ་འཁོར་བྱེད། །སྒོམ་ཐབས་སེང་གེ་རྣམ་རོལ་བྱེད། །ལུས་གནད་ཆ་ནས་ཆ་རུ་བསྒྲིམ། །རྫུ་འཕྲུལ་འདོད་ན་དེ་ལྟར་བསྒོམ། །ཟིན་རྟགས་ལོག་ཟིན་མ་ལོག་ཟིན། །ལོག་པར་ཟིན་ན་ན་ཚ་འོང་། །མ་ལོག་ཟིན་ན་ཡོན་ཏན་སྐྱེ། །ལོག་ཟིན་ན་ཚ་འབྱུང་ལུགས་ནི། །
2-1-130a
རྒལ་ཚིགས་ན་ཞིང་ཡན་ལག་འཁུམས། །ཡན་ལག་བརྐྱང་བསྐུམ་ཤིན་ཏུ་དཀའ། །ལོག་ནོན་དང་པོ་སྐུ་མཉེ་བྱ། །སྐེད་པ་བསྐོར་ཞིང་ཞགས་པ་འཕང་། །ན་སར་སྟོང་ར་ཁྲོལ་ཚགས་ཅན། །རྩ་སྣ་ཉི་ཤུར་དམིགས་པ་གཏད། །རླུང་ནི་སྡོམ་ལ་མཆོང་རྒྱུགས་བྱ། །ཡན་ལག་བརྐྱང་བསྐུམ་མང་དུ་བྱ། །དེ་ཡིས་མི་སོས་མི་སྲིད་དོ། །སྤྱི་རྒྱུ་རླུང་སྐྱོན་ཐམས་ཅད་ལ། །སྐུ་མཉེ་བྱ་ཞིང་ལུས་སྦྱོང་བྱ། །སེམས་བསྐྱེད་བླ་མའི་རྣལ་འབྱོར་གཅེས། །ནང་ནི་སྟོང་ར་བསྒོམ་པ་དང་། །ཁྲོལ་ཚགས་བསམ་པའི་བུ་ག་ནས། །རླུང་ནད་ཐམས་ཅད་འཐོན་པར་བསམ། །རྐེད་པ་ན་ན་རླུང་སྡོམ་སྐྱེད་པ་གཅུ། །གྲོགས་ཀྱིས་རྐང་པ་ས་ལ་མ་རེག་པར། །རོ་སྟོད་སང་པས་བཏབ་ལ་ཡང་ཡང་དུ། །རོ་སྨད་དྲག་ཏུ་སྤྲུག་ཏུ་གཞུག་པར་བྱ། །མགོ་བོ་ཕྱེད་ཚལ་དུ་ན་ན། །ལྷག་པར་འཐེན་ལ་མགོ་བོ་སྤྲུགས། །མགོ་བོ་ལྗོག་འགུལ་མང་དུ་བྱ། །མགོ་བོ་ཕྱོགས་བཞིར་འཐེན་རེས་བྱ། །ནང་སྟོང་ར་གླང་ཚགས་ལྟ་བུར་བསམ་ལ། །དེ་ན་ཕར་རླུང་ནད་ཐམས་ཅད་འཐོན་པར་བསམ། །གཞོག་ནི་ཕྱེད་ཚལ་དུ་ན་ན། །རླུང་སྡོམ་ལ་རོ་སྟོད་གཅུ་སྤྲུག །དཔུང་པ་གཉིས་གཅུ་ཞིང་བསྐོར་བ་རེ་མོས་བྱ། རྐང་པ་ཞགས་པ་རེ་མོས་འཕང་། །སེང་གེ་རྣམ་རོལ་རྗེས་ལ་ཤད་ཤད་རེ་མོས་བྱ། །སྤྱི་རྒྱུ་རླུང་
2-1-130b
ནད་ཐམས་ཅད་ལ་སྐུ་མཉེ་བྱ། །རྩ་མདུད་ཧཱུཾ་རིངས་ཀྱིས་འགྲོལ་ཞིང་རྩ་ལམ་སྦྱང་། །རྩ་སྣ་ཉི་ཤུ་བྲལ་ནས་གདོན་ཞིང་ཤད་ཤད་བྱའོ། །སྤྱི་རྒྱུ་རླུང་སྐྱོན་ཐམས་ཅད་ལ། །སྟོད་དུ་ན་ན་སྨད་དུ་གཏད། །སྨད་དུ་ན་ན་སྟོད་དུ་གཏད། །སྟོང་ར་ཁྲོལ་ཚགས་བསྒོམ་པ་དང་། །ན་སར་བླ་མ་བསྒོམ་པ་དང་། །ལུས་སྦྱོང་བྱ་བ་ཤིན་ཏུ་གཅེས། །ས་ཤས་ཆེ་ན་ལུས་པོ་ལྕི། །དེ་ལ་རྩ་གསུམ་འཁོར་ལོ་བཞི། །རླུང་གིས་དགང་པ་ཤིན་ཏུ་གཅེས། །སྲོག་རྩོལ་དྲག་ཏུ་བསྒོམ་པར་བྱ། །ཆུ་ཤས་ཆེ་ན་ལུས་པོ་གྲང་། །ཐིག་ལེ་དྲག་ཏུ་ཉམས་ནས་འགྲོ། །དེ་ལ་རྩ་གསུམ་འཁོར་ལོ་བཞི། །ཐིག་ལེས་དག་པ་ཤིན་ཏུ་གཅེས། །སྲིན་སྡོམ་རྒྱ་མཚོ་བྲག་ལ་གཏད། །མེ་ཤས་ཆེ་ན་ལུས་པོ་ཚ། །ཁ་སྣ་སྐམ་ཞིང་བདེ་བ་མེད། །དེ་ལ་རྩ་གསུམ་འཁོར་ལོ་བཞི། །ཐིག་ལེས་དགང་བ་ཤིན་ཏུ་གཅེས། །སྲིན་པོའི་ཞལ་ནི་ལེགས་པར་སྡམ། །རླུང་ཤས་ཆེ་ན་རིག་པ་རྒོད། །མི་རྟོག་སྐྱེ་མེད་བསྒོམ་པ་དང་། །སྲོག་རྩོལ་དྲག་ཏུ་བསྒོམ་པར་བྱ། །ཤེས་པ་ཀློད་པ་ཤིན་ཏུ་གཅེས། །མཁའ་ལྟར་རིག་པ་ཡངས་སུ་གཞུག །ནམ་མཁའ ཤེས་བྱ་སྣང་བ་མེད། །སྟོང་སྟོང་ཕྱམ་ཕྱམ་སོ་རུ་འགྲོ། །ལྷ་སྐུ་སྒྱུ་མར་བསྒོམ་པ་དང་། །གསལ་ངར་འདོན་པ་ཤིན་ཏུ་གཅེས། །ལྟས་སྟོང་འཐུར་དུ་ལྟ་བ་དང་། །ཐད་ཀར་ཧྲིག་གེ་ལྟ་བའོ། །དེས་ནི་
2-1-131a
འབྱུང་བ་རོ་སྙོམས་ནས། །ཏིང་ངེ་འཛིན་གྱིས་རོ་མྱང་འགྱུར། །ཟས་ཀྱི་རོ་སྙོམས་ཞལ་ལས་ཤེས། །ས་ལ་ཟས་ནི་རྩུབ་པ་བཏང་། །ཆུ་ལ་ཟས་ནི་དྲོད་ཚད་བཏང་། །མེ་ལ་ཟས་ནི་བསིལ་དུ་བཏང་། །རླུང་ལ་ཁ་ཟས་བཅུད་ཅན་བཏང་། །ནམ་མཁའ་ལ་ནི་རོ་སྙོམས་བཏང་། །ལག་ལེན་བླ་མའི་ཞལ་ལས་ཤེས། །ཨྠིི།། །།མར་པས་མཛད་པའོ།། །།


目录
རླུང་གི་ཞལ་གདམས།